Adəmi adəm eyləyən paradır, Parasız adəmın üzü qaradır! Qoy nə əslin, nəcabətin olsun, Nə nəcibanə halətin olsun, Baş-ayaq eyb içində olsan da - Tək bu aləmdə dövlətin olsun: Adəmi adəm eyləyən paradır, Parasız adəmın üzü qaradır! Olmasın fəhmin, əqlin, idrakın, Var nə qəm, ta ki, vardır əmlakın; Atəşi-xanəsuzi-milləti ikən - Hər kəsin səcdəgahıdır xakin: Adəmi adəm eyləyən paradır, Parasız adəmın üzü qaradır! Olmayır, olmasın da insafın, Dut qanın şişə içrə əsnafın, Ta ki, var eldə beş bucuq quruşun - Mötəbərsən gözündə əşrafın; Adəmi adəm eyləyən paradır, Parasız adəmın üzü qaradır!
